انا بشوفك تلت مرات فى الاسبوع و مش بقدر ابصلك فى عنيك. مشيتك و ضحكتك بتوع حد واثق من نفسه بشدة و انا مش زيك، انا بالعافية بحاول اخس عشان احب نفسى شوية. بحي كل حاجة فيك حتى اسنانك اللى اكيد مش بحبها. بحب شعرك اللى بتقصه بشكل حلو اوى. بحب الطريقة اللى بتنط بيها و بتحدف الكورة اللى غالبا بتيجى فى حد. بحب لما الكابتن بيهزر معاك. بحب لما بتقع و انت تحاول تلحق الكورة.
و لما بتجيب لكل الناس الكور بتاعتها و انت ماشى، او لما بتهزر مع إياد. بحب اشوفك و انت مروح. انا نفسى اتكلم معاك و اعرفك و افهم بتفكر ازاى، يا ترى تافه زى معظم الولاد اللى بشوفها و لا بجد بتفكر بعمق؟ بتحب تقرأ كتب و لا لأ؟ بتسمع اغانى ايه؟
بس معاك حق، تبص ليا ليه؟ انا ايه اصلا قدامك؟ انا مش رفيعة و شعرى مش حلو و لا ملامحى حلوة حتى، اكيد فيه مليون بنت بتحدف نفسها عليك فأكيد انا مش هقدر انافسهم.
انا هفضل اتفرج عليك من بعيد، لأنك زى الشمس، لو قربت اوى منك هتحرق، و لو بعدت هموت من البرد.
